امریکہ کی ری پبلکن جماعت کے صدارتی امیدوار ڈونلڈ ٹرمپ اور اُن کے ڈیموکریٹک حریف جو بائیڈن کے درمیان منگل کو ریاست اوہائیو کے شہر کلیو لینڈ میں پہلا صدارتی مباحثہ ہوا۔ ڈیڑھ گھنٹے تک جاری رہنے والے اس مباحثے میں دونوں امیدواروں نے ایک دوسرے پر کڑی تنقید کی۔ مباحثے میں معیشت، کرونا وائرس کے بعد کی صورتِ حال، آئندہ انتخابات سمیت دیگر موضوعات پر امیدواروں نے اپنا اپنا موقف پیش کیا۔
ٹرمپ اور بائیڈن پہلے صدارتی مباحثے میں آمنے سامنے
5
مباحثے کے موڈریٹر کریس ویلس تھے جن کا تعلق امریکی ٹی وی چینل 'فاکس نیوز' سے ہے۔
6
مباحثے سے قبل یا بعد میں دونوں امیدواروں نے کرونا وائرس کے سبب ایک دوسرے سے مصافحہ نہیں کیا تاہم دونوں امیدواروں کی باڈی لینگوج توجہ کا مرکز رہی۔
7
صدر ٹرمپ نے مباحثے کے دوران کئی مرتبہ اپنے حریف کو بات مکمل کرنے اور رکنے کا اشارہ کیا تاہم اس دوران بائیڈن مسلسل کیمرے کی جانب متوجہ رہے جس پر صدر ٹرمپ نے اُنہیں امریکی عوام سے براہِ راست اپیل کرنے پر ٹوکا جب کہ مباحثے کے دوران ایک موقع پر جوبائیڈن نے صدر ٹرمپ سے ٹیکس دستاویزات دکھانے کا بھی مطالبہ کیا۔
8
مباحثے کے موقع پر خاتون اول میلانیا بھی موجود تھیں جو صدر ٹرمپ کے ہمراہ حال میں داخل ہوئیں۔