بھارت کا جنوبی شہر چنئی دنیا بھر کے تیزی سے ترقی کرتے شہروں میں سے ایک ہے۔ کروڑوں ڈالر کا کاروبار کرتی کمپنیاں، پیسے کی ریل پیل، زیادہ تنخواہوں والی ملازمتیں، آئی ٹی مینوفیکچرنگ کمپنیزاورخلیجِ بنگال کے کنارے لگژری فلیٹس کی بلند و بالا عمارتیں اس کی نئی پہچان ہیں۔۔۔ لیکن چنئی میں زیرزمین پانی کم ہو رہا ہے اور پیاس بھی بڑھ رہی ہے جس سے شہر کی ترقی کو بریک لگ سکتے ہیں۔
چنئی پیاسا ہے!
5
شہر کے اسٹاک ایکسچینچ کے ارکان کا کہنا ہے کہ چنئی میں پانی کے بحران سے پیداواری شیڈول متاثر ہوا ہے اور اخراجات بڑھ گئے ہیں۔ پانی مہنگے داموں خریدنا پڑتا ہے اور اس بحران کے خاتمے کا کوئی فوری حل نظر نہیں آتا۔
6
چنئی میں 41 سالہ خاتون دیوی اپنی پڑوسی سے پانی آنے کے انتظار میں محو گفتگو ہیں۔ ان کا مکان چنئی کی ایک گنجان بستی میں واقع ہے جہاں پانی سپلائی نہیں ہوتا اور ٹینکرز منگوانے پڑتے ہیں۔
7
مختلف اداروں کو اپنے طور پر چنئی کے باہر سے پانی منگوانے کے لیے 30 فیصد زیادہ اخراجات برداشت کرنا پڑ رہے ہیں۔ ٹینکرز سے پانی سپلائی کے لیے ملازمین رکھنا پڑ رہے ہیں۔ چنئی چیمبر آف کامرس کے سیکریٹری جنرل کے سرسوتی کا کہنا ہے کہ پانی کے ری سائکلنگ سسٹم از خود لگانے پڑ رہے ہیں جن پر بھاری رقوم خرچ کرنا پڑتی ہیں۔
8
چنئی کے شہری ہر روز پانی کی تلاش میں ایک جگہ سے دوسری جگہ سرگرداں رہتے ہیں۔ لوگوں کو دن بھر واٹر ٹینکرز کا انتظار کرنا پڑتا ہے اور کبھی کبھی رات بھی پانی کے انتظار میں کاٹنا پڑتی ہے۔
