ایوبیہ: 130 سال پرانی سرنگ سیاحوں کے لیے بحال

خیبر پختونخوا میں واقع ایوبیہ نیشنل پارک میں برطانوی دور کی زیرِ زمین تاریخی سرنگ کو سیاحوں کے لیے بحال کر دیا گیا ہے۔ یہ سرنگ 1891 میں تعمیر کی گئی تھی۔ اس کی تعمیر کا مقصد ایوبیہ اور خیرا گلی کو آپس میں ملانا تھا۔ البتہ دیکھ بھال نہ ہونے کی وجہ سے یہ مٹی تلے دب گئی تھی۔ محکمۂ جنگلی حیات اور وزارتِ موسمیاتی تبدیلی نے اس کی بحالی کا کام شروع کیا اور تقریباً آٹھ ماہ میں اکتوبر 2020 میں اس کی تکمیل ہوئی جس کے بعد اسے سیاحوں کے لیے کھول دیا گیا۔