آبادی کے لحاظ سے پاکستان کے سب سے بڑے شہر کراچی میں مون سون بارشوں کا سلسلہ جاری ہے۔ جس سے کئی علاقوں میں پانی جمع ہوا۔ جب کہ اکثر نالوں میں طغیانی آنے سے بارش کا پانی سڑکوں پر پھیل گیا۔ کئی نشیبی آبادیوں میں پانی گھروں میں داخل ہونے سے لوگوں کو شدید مشکلات کا سامنا کرنا پڑ رہا ہے۔
کراچی میں بارش رحمت کے بجائے زحمت
1
کئی علاقوں میں لوگوں کو اپنی منزل مقصود پر پہنچنے کے لیے گھٹنوں گھٹنوں پانی میں چل کر جانا پڑتا ہے۔
2
اکثر نشیبی آبادیوں میں بارش کا پانی گھروں میں داخل ہو گیا جس سے لوگوں کو مشکلات کے ساتھ ساتھ مالی نقصانات کا بھی سامنا کرنا پڑا ہے۔
3
شاہراہوں پر بارش کا پانی جمع ہونے سے ٹریفک جام ہو گیا جسے سے منٹوں میں طے ہونے والے سفر پر مسافروں کو کئی گھنٹے صرف کرنے پڑے۔
4
اورنگی ٹاؤن اور سرجانی ٹاؤن میں پانی گھروں میں داخل ہوا تو مکین خود کو محفوظ رکھنے کے لیے چھتوں پر چڑھ گئے تاہم ان کی املاک کو نقصان پہنچا۔